ਪੰਜਾਬੀ ਕਵਿਤਾ- ਕਦੇ ਕੋਲ ਬਹਿ - ਸਨਦੀਪ ਸਿੱਧੂ - Punjabi Kavita Kade Kol Beh
This open platform welcomes writers from all walks of life to share their poetry, stories, and literary creations in Punjabi. Powered by Radio Haanji, we’re offering a unique space for writers to showcase their talent, grow their audience, and gain exposure. Not only will your work be featured here, but we’ll also amplify it through our social media channels, helping you connect with a wider audie
ਕਦੇ ਕੋਲ ਬਹਿ ਕਿ ਦਿਲ ਨੂੰ ਕਰਾਰ ਮਿਲੇ
ਕਿਸ਼ਤਾਂ ਚ ਹੀ ਸਹੀ, ਪਰ ਥੋੜ੍ਹਾ ਪਿਆਰ ਮਿਲੇ
ਮੈਂ ਸੁਣਿਆ ਬੜ੍ਹੇ ਸ਼ਿਕਵੇ ਸ਼ਿਕਾਇਤਾਂ ਨੇ ਤੇਰੇ ਅੰਦਰ
ਚੱਲ ਕਿਸੇ ਬਹਾਨੇ , ਤੇਰੇ ਮੇਰੇ ਵਿਚਾਰ ਮਿਲੇ
ਕਿੰਨੇ ਕਿੰਨੂੰ ਕਿੱਥੇ ਕਿਹੜੇ ਵੇਲੇ ਮਿਲਣਾ
ਸਭ ਵਕ਼ਤ ਦੀਆਂ ਖੇਡਾਂ ਨੇ, ਇਸ ਜਹਾਨ ਮਿਲੇ ਜਾਂ ਪਾਰ ਮਿਲੇ
ਵੇਲੇ ਦੀਆਂ ਨਮਾਜ਼ਾਂ, ਤੇ ਕੁਵੇਲੇ ਦੀਆਂ ਟੱਕਰਾਂ
ਨਾ ਖੁਦਾ ਹੀ ਦਿਸਿਆ, ਨਾ ਯਾਰ ਮਿਲੇ
ਤੂੰ ਕੀ ਐਂ, ਇੱਕ ਦਿਨ ਮੈਂ ਜ਼ਿੰਦਗੀ ਨੂੰ ਪੁੱਛ ਬੈਠਾ
ਕਹਿੰਦੀ, ਸੋਚ ਨਾ, ਜੀ ਲੈ, ਪਲ ਜੋ ਤੈਨੂੰ ਦੋ-ਚਾਰ ਮਿਲੇ
ਆਪੋ-ਆਪਣੀ ਥਾਂ ਸਾਰੇ ਹੀ ਸੱਚੇ-ਸੁੱਚੇ ਸੀ
ਕੱਚੇ ਸਾਰੇ ਖੁਸ਼ ਸਨ, ਪੱਕੇ ਖੱਜਲ-ਖਵਾਰ ਮਿਲੇ
ਨਾਂ ਲਫ਼ਜ਼ ਬੋਲਣ ਨਾ ਕੰਨਾਂ ਨੂੰ ਸੁਣਦਾ ਹੋਵੇ
ਕਤਲ ਹੋਵੇ ਜਾਨ ਵੀ ਨਾ ਨਿਕਲੇ, ਕੋਈ ਅਜਿਹਾ ਹਥਿਆਰ ਮਿਲੇ
ਪਿਆਰ ਦੀਆਂ ਕੰਧਾਂ ਨੂੰ ਬਹੁਤ ਉੱਚੀਆਂ ਕਰ ਲੈ
ਨਫ਼ਤਰਾਂ ਨੂੰ ਕਦੇ ਉਰਲੇ ਪਾਸੇ ਦਾ ਨਾ ਸੰਸਾਰ ਮਿਲੇ
ਆਖ਼ਿਰ ਤੂੰ ਚਾਉਣਾ ਕੀ ਐਂ? ਦੱਸ ਤੇ ਸਹੀ
ਉਨੂੰ ਜਾਨ ਦੀ ਖਵਾਹਿਸ਼ ਸੀ, ਅਸੀਂ ਆਪਾ ਸਵਾਰ ਮਿਲੇ
ਜ਼ਿੰਦਗੀ ਦਾ ਨਸ਼ਾ ਐ ਮਰ ਮਿਟ ਜਾਣ ਵਿੱਚ
ਜ਼ਿੰਦਗੀ-ਮੌਤ ਨੂੰ ਹੋ ਇੱਕ ਸਾਰ ਮਿਲੇ
ਗੱਲਾਂ ਨਾਲ ਹੀ ਕਾਸ਼ ਢਿੱਡ ਭਰ ਜਾਵਣ
ਸਨਦੀਪ ਕਰ ਕੋਸ਼ਿਸ਼ ਇਹੋ ਜਿਆ ਕੋਈ ਕਾਰੋਬਾਰ ਮਿਲੇ...
What's Your Reaction?
