Haanji Daily News,16 Jan, 2024
Please tune in to our daily Australia NEWS for the latest updates at 10:30 AM
16/01/2024
'ਸਮੁੰਦਰ 'ਚ ਖੋ ਗਿਆ ਸਾਹਿਲ'
"ਹੀਰਾ ਬੰਦਾ ਸੀ ਸਾਡਾ ਯਾਰ, ਸਾਡੀਆਂ ਹੀ ਨਜ਼ਰਾਂ ਲੱਗ ਗਈਆਂ"
ਸ਼ੁੱਕਰਵਾਰ ਦੀ ਸ਼ਾਮ ਸੀ। ਮੈਲਬੌਰਨ ਦੇ Cranbourne East ਦਾ ਰਹਿਣ ਵਾਲਾ 27 ਸਾਲਾਂ ਸਾਹਿਲ ਛੁੱਟੀ ਮਨਾ ਰਿਹਾ ਸੀ। ਪਰਿਵਾਰਕ ਦੋਸਤਾਂ ਦਾ ਫੋਨ ਆਇਆ, ਚਲੋ ਬੀਚ 'ਤੇ ਹੀ ਜਾ ਆਈਏ। ਬੱਸ ਉਹ ਕੁਹਲਿਣਾ ਪਲ, ਜਦੋਂ ਸਾਹਿਲ ਘਰੋਂ ਨਿਕਲਿਆ, ਪਰ ਘਰ ਵਾਪਸ ਨਹੀਂ ਪਰਤਿਆ।
Dandenong 'ਚ ਰਹਿਣ ਵਾਲੇ ਸਾਹਿਲ ਦੇ ਦੋਸਤ ਗੌਰਵ ਨੇ ਰੇਡੀਓ ਹਾਂਜੀ ਨਾਲ ਗੱਲ ਕਰਦਿਆਂ ਗਮਗੀਨ ਅੰਦਾਜ਼ 'ਚ ਦੱਸਿਆ, ਕਿ ਸ਼ਾਇਦ ਉਸ ਦੇ ਦੋਸਤਾਂ ਦੀਆਂ ਨਜ਼ਰਾਂ ਹੀ ਉਸ ਨੂੰ ਖਾ ਗਈਆਂ। "ਕਿੰਨਾ ਚੰਗਾ ਸੀ ਸਾਹਿਲ, ਕਿਸੇ ਨੂੰ ਮਦਦ ਲਈ ਇਨਕਾਰ ਨਹੀਂ ਕਰਦਾ। ਹੀਰਾ ਬੰਦਾ ਸੀ"
ਖ਼ਬਰ ਮੁਤਾਬਕ ਹਰਿਆਣਾ ਦੇ ਕਰਨਾਲ (ਪਿੰਡ ਕੈਮਲਾ) ਦਾ ਨੌਜਵਾਨ ਸਾਹਿਲ 12 ਜਨਵਰੀ ਨੂੰ ਆਪਣੇ ਦੋਸਤਾਂ ਨਾਲ ਵਿਕਟੋਰੀਆ ਦੇ Kilcunda Surf Beach 'ਤੇ ਗਿਆ ਸੀ। ਸਭ ਕੁਝ ਠੀਕ ਨਿਬੜ ਗਿਆ। ਸਾਰੇ ਵਾਪਸ ਘਰ ਮੁੜਨ ਹੀ ਲੱਗੇ ਸਨ ਕਿ, ਉੱਥੇ ਉਸ ਦਾ ਚਮਸ਼ਾ ਪਾਣੀ 'ਚ ਡਿੱਗ ਗਿਆ, ਜਿਵੇਂ ਹੀ ਉਸ ਨੇ ਝੁਕ ਕੇ ਚਸ਼ਮਾ ਚੁੱਕਣ ਦੀ ਕੋਸ਼ਿਸ਼ ਤਾਂ ਪਾਣੀ ਦੀ ਤੇਜ਼ ਲਹਿਰ ਆਈ ਅਤੇ ਸਾਹਿਲ ਨੂੰ ਆਪਣੇ ਨਾਲ ਸਮੁੰਦਰ ਦੀ ਡੂੰਘਾਈ 'ਚ ਖਿੱਚ ਕੇ ਲੈ ਗਈ। ਦੋਸਤਾਂ ਨੇ ਉਸ ਨੂੰ ਬਚਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਉਸ ਦਾ ਕੋਈ ਸੁਰਾਗ ਨਹੀਂ ਮਿਲਿਆ। ਧੁੰਦ ਅਤੇ ਹਨ੍ਹੇਰਾ ਇੰਨਾ ਜ਼ਿਆਦਾ ਸੀ ਕਿ ਸਾਹਿਲ ਦਾ ਕੁਝ ਪਤਾ ਨਹੀਂ ਲੱਗਾ।
:
:
