ਪੈਰਿਸ ਓਲੰਪਿਕਸ 2024 : ਵਿਨੇਸ਼ ਫੋਗਾਟ ਦੀ ਅਪੀਲ 'ਤੇ CAS ਕੋਰਟ 'ਚ ਮੁਕੱਦਮੇ ਦੀ ਸੁਣਵਾਈ

ਪੈਰਿਸ ਓਲੰਪਿਕਸ 2024 ਵਿੱਚ ਫਾਈਨਲ ਤੋਂ ਠੀਕ ਪਹਿਲਾਂ ਜ਼ਿਆਦਾ ਭਾਰ ਕਾਰਨ ਅਯੋਗ ਕਰਾਰ ਦਿੱਤੀ ਗਈ ਵਿਨੇਸ਼ ਫੋਗਾਟ ਦੀ ਅਪੀਲ 'ਤੇ ਅੱਜ ਕੋਰਟ ਆਫ਼ ਆਰਬਿਟਰੇਸ਼ਨ ਫਾਰ ਸਪੋਰਟਸ (CAS) ਵਿੱਚ ਸੁਣਵਾਈ ਹੋਈ। ਇਸ ਮਾਮਲੇ ਵਿੱਚ ਭਾਰਤ ਵੱਲੋਂ ਐਡਵੋਕੇਟ ਹਰੀਸ਼ ਸੋਲਵੇ ਸਿਲਵਰ ਮੈਡਲ ਦੀ ਮੰਗ ਕਰਨ ਵਾਲੇ ਕੇਸ 'ਚ ਵਿਨੇਸ਼ ਦੀ ਮਦਦ ਕੀਤੀ। ਸੁਣਵਾਈ ਦੌਰਾਨ ਅਦਾਲਤ ਨੇ ਯੂਨਾਈਟਿਡ ਵਰਲਡ ਰੈਸਲਿੰਗ (UWW) ਤੋਂ ਕੁਸ਼ਤੀ ਸਬੰਧੀ ਨਿਯਮਾਂ ਬਾਰੇ ਪੁੱਛਿਆ। CAS ਨੇ ਕਿਹਾ ਕਿ ਵਿਨੇਸ਼ ਫੋਗਾਟ ਦੀ ਅਪੀਲ 'ਤੇ ਫੈਸਲਾ ਪੈਰਿਸ ਓਲੰਪਿਕਸ ਸਮਾਪਤ ਹੋਣ ਤੋਂ ਪਹਿਲਾਂ ਲਿਆ ਜਾਵੇਗਾ। ਹੁਣ ਮਾਮਲਾ ਸੋਲ ਆਰਬਿਟਰੇਟਰ ਕੋਲ ਭੇਜ ਦਿੱਤਾ ਗਿਆ ਹੈ।

ਅਦਾਲਤ ਨੇ ਕਿਹਾ ਕਿ ਇਹ ਅਜਿਹਾ ਮਾਮਲਾ ਨਹੀਂ ਹੈ ਜਿਸ 'ਤੇ ਤੁਰੰਤ ਫੈਸਲਾ ਲਿਆ ਜਾ ਸਕੇ। CAS ਨੇ ਕਿਹਾ ਕਿ ਵਿਨੇਸ਼ ਫੋਗਾਟ ਨੇ ਵੀ ਇਸ ਮਾਮਲੇ ਵਿੱਚ ਫੌਰੀ ਫੈਸਲੇ ਦੀ ਮੰਗ ਨਹੀਂ ਕੀਤੀ ਹੈ। ਇਸ ਪ੍ਰਕਿਰਿਆ ਨੂੰ ਜਲਦ ਪੂਰਾ ਕਰਨ ਦਾ ਇरਾਦਾ ਹੈ। ਇਸ ਮਾਮਲੇ 'ਚ ਅੰਤਰਰਾਸ਼ਟਰੀ ਓਲੰਪਿਕ ਕਮੇਟੀ ਦੇ ਪ੍ਰਧਾਨ ਥਾਮਸ ਬਾਕ ਤੋਂ ਪੁੱਛਿਆ ਗਿਆ ਕਿ ਕੀ ਉਹ ਵਿਨੇਸ਼ ਫੋਗਾਟ ਮਾਮਲੇ ਵਿੱਚ ਦੋ ਸਿਲਵਰ ਮੈਡਲ ਦੇਣ ਦੇ ਪੱਖ 'ਚ ਹਨ। ਇਸ 'ਤੇ ਬਾਕ ਨੇ ਕਿਹਾ, ''ਜੇਕਰ ਤੁਸੀਂ ਆਮ ਤੌਰ 'ਤੇ ਇੱਕ ਵਰਗ ਵਿੱਚ ਦੋ ਸਿਲਵਰ ਮੈਡਲ ਦੇਣ ਦੀ ਗੱਲ ਕਰ ਰਹੇ ਹੋ ਤਾਂ ਮੇਰਾ ਜਵਾਬ ਹੈ - ਨਹੀਂ।''

ਅੰਤਰਰਾਸ਼ਟਰੀ ਫੈਡਰੇਸ਼ਨ ਦੇ ਨਿਯਮ ਹਨ ਅਤੇ ਉਨ੍ਹਾਂ ਦੀ ਪਾਲਣਾ ਕੀਤੀ ਜਾਣੀ ਚਾਹੀਦੀ ਹੈ। ਥਾਮਸ ਬਾਕ ਨੇ ਕਿਹਾ, "ਮਾਮਲਾ ਖੇਡ ਅਦਾਲਤ ਵਿੱਚ ਹੈ, ਅਸੀਂ ਇਸ ਦੇ ਫੈਸਲੇ ਦੀ ਪਾਲਣਾ ਕਰਾਂਗੇ।" ਫੋਗਾਟ ਨੇ ਬੁੱਧਵਾਰ ਨੂੰ ਆਪਣੀ ਅਪੀਲ ਦਾਇਰ ਕੀਤੀ ਸੀ ਅਤੇ ਨਵੇਂ ਭਾਰ ਦੀ ਮੰਗ ਕਰਦੇ ਹੋਏ ਫਾਈਨਲ ਵਿੱਚ ਸ਼ਾਮਲ ਹੋਣ ਦੀ ਇਜਾਜ਼ਤ ਮੰਗੀ ਸੀ। ਅਜਿਹਾ ਨਾ ਹੋਣ 'ਤੇ, ਉਸ ਨੂੰ 50 ਕਿਲੋ ਭਾਰ ਵਰਗ ਵਿੱਚ ਸਾਂਝਾ ਸਿਲਵਰ ਮੈਡਲ ਦਿੱਤਾ ਜਾਣਾ ਚਾਹੀਦਾ ਹੈ। ਇਸ ਤੋਂ ਬਾਅਦ ਉਸ ਦੀ ਅਪੀਲ ਸਵੀਕਾਰ ਕਰ ਲਈ ਗਈ।

ਵਿਨੇਸ਼ ਫੋਗਾਟ ਓਲੰਪਿਕ ਤੋਂ ਅਯੋਗ ਹੋਣ ਤੋਂ ਬਾਅਦ ਸੰਨਿਆਸ ਲੈ ਚੁੱਕੀ ਹੈ। ਉਸ ਨੇ ਇਸ ਬਾਰੇ ਸੋਸ਼ਲ ਮੀਡੀਆ 'ਤੇ ਐਲਾਨ ਕੀਤਾ ਹੈ। ਦੂਜੇ ਪਾਸੇ, ਨੀਰਜ ਚੋਪੜਾ ਨੇ ਵਿਨੇਸ਼ ਫੋਗਾਟ ਬਾਰੇ ਕਿਹਾ, "ਵਿਨੇਸ਼ ਨੇ ਜੋ ਵੀ ਕੀਤਾ ਹੈ, ਉਹ ਇੱਕ ਮਿਸਾਲ ਹੈ।" ਯੂਈ ਸੁਸਾਕੀ ਨੂੰ ਹਰਾਉਣਾ ਆਪਣੇ ਆਪ 'ਚ ਇੱਕ ਵੱਡੀ ਕਾਮਯਾਬੀ ਹੈ। "ਮੈਨੂੰ ਕੁਸ਼ਤੀ ਦੇ ਨਿਯਮ ਨਹੀਂ ਪਤਾ, ਪਰ ਉਹ ਸੋਨੇ ਦੀ ਦੌੜ ਵਿੱਚ ਬਹੁਤ ਅੱਗੇ ਸੀ।"

ਨਿਰਜ ਨੇ ਕਿਹਾ, ''ਜਦੋਂ ਮੈਂ ਸਵੇਰੇ ਖਾਣਾ ਖਾ ਰਿਹਾ ਸੀ, ਤਦ ਮੈਨੂੰ ਪਤਾ ਲੱਗਾ ਕਿ ਭਾਰ ਦੀ ਸਮੱਸਿਆ ਆਈ ਹੈ। ਮੈਨੂੰ ਬਹੁਤ ਦੁੱਖ ਹੋਇਆ।'' ਵਿਨੇਸ਼ ਦਾ ਸਫਰ ਹਰ ਕਿਸੇ ਨੂੰ ਪਤਾ ਹੈ ਕਿ 2016 ਵਿੱਚ ਉਸ ਨੂੰ ਸੱਟ ਲੱਗੀ ਸੀ। ਉਸ ਤੋਂ ਬਾਅਦ, ਉਹ ਤਿਆਰ ਹੋ ਕੇ, ਮਾਨਸਿਕ ਤੌਰ 'ਤੇ ਮਜ਼ਬੂਤ ਹੋ ਕੇ ਮੁਕਾਬਲੇ 'ਚ ਉਤਰੀ ਸੀ, ਪਰ ਰੱਬ ਦੇ ਮਨ ਵਿੱਚ ਕੁਝ ਹੋਰ ਸੀ।''